بعد عينك حبيبي مالكيت عيون .._فلوحي العراقي

بعد عينك حبيبي مالكيت عيون
والف دمعه بعيوني رايد ابجيهه

يل عني رحلت ماكتلي انت الوين
بعد الفراك الروح شيصبرهة شيعزيهه

لو عينك صخر ما تبجي مثلي عيون
وانت الصرت دمعة وكت بعيوني ابجيهه

اذا عندك حجي ما رايد حجي هواي
اختصر وبس كلمة احبك تكدر احجيهه

ماتدري بغيابك عني بيه شصار
ولو تدري عينك انت كبالي تعميهه

ولك اني بيه جروح ابد ماشالهه الغير
وانا الجنت روحك دمع بعيوني اسكيهه

بيه ولك بيه

ما كفه حناني حته انا انطيك
حته عيوني دمعت وكتلك انطيهه

حبيبي شتريدن بعد وتكلي ولك شلون
مو كافي تعبت منك والله احجيهه

لو عندك ولف انساني يلا وهاك
خل يموت الكلب يمك سهله تلكيهه

واذا انت كهرتني اني اعرفك زين
باجر تكبر جروحك من يداويهه

انا بدمعي عليك ولك جنت شلال
هسه عيوني عليك وسفه ابجيهه

ماريدن بعد بيه تسكي جروح
خليني وحدي اني الروحي اشفيهه

غيري يحبك ولك بسرعه روح عليه

علي ما تكدر بعد كلمة حب تمشيهه
علي ما تكدر بعد كلمة حب تمشيهه

.
.
بعد عينك حبيبي مالكيت عيون
والف دمعه بعيوني رايد ابجيهه

» من هو حبيبي
» حبيبي
» كريم العراقي - العشق الممنوع