كلمه وشلتها من الحجي ومن اللسان اخفيتها

كلمه وشلتها من الحجي ومن اللسان اخفيتها
وبيبان روحي مقفله وعلا احب سديتها
صلفه امنياتي الرادتك سالتني عنك بس صمت كلش ولا حاجيتها
كالتلي وينه وجاوبت ما ادري ما دليتها
ما ردت احس حبك لان كبلك الروح انطيتها
والخاطرك رحت اعتذر ومنيت بيها الخاطرك مثل الطفل لمن يمن بحالجته
وياك اعز ناسي انتهه وما كمت احس بعازته
بدربي كلت لو مو سوه امشي حياتي بلا درب يمكن يشح عني الهوه
لا بس جذب معقوله ما نمشي سوه معقوله في لحضه الشمس للكاع ما تنطي ضوه
وتنتهي وما نلكه صبح معقوله يطلعلي جرح معقوله ريشة شفتك ترسملي بالضحكه رمح
لا مو صدك خلينه من هذا الحجي بجفوني سوله اعله البجي وصياد كاعد بالجفن للدمع شايل فالته
وياي احسك جن صرت مثل الهلال وهالته
كالولك ايعوفك ترى تذكر كبل؟ كتلي شكلهم كتلك اي كلهم لمن من يمي تمشي جنازته
هو اني عايشلك لان دمي الاعز ما بالجسد بس انته تعرف حالته
من ما يحس بلمستك يخلص وتبقه وشالته
تذكر جنت من تعتنيلي بلهفتك حتى تشوفني وتلكاني روح مشككه ولمسات اديك تروفني
تتركني هسه قررت ينطيك كلبك ننتهي وبس بالاحلام تشوفني تتركني هيج بلا ذنب
بررلي حتى لو جذب مليت كلي كمت امل شيحمله ليلي بوحدتي ما ينحمل بعدك ترى
جذبت كتلك ينحمل كتلك لمن تمشي ترى تتركني وحدي جن طفل
تايه وكل اهله مشوا عايش ايتاني الما اجوا كلشي اليمر ايفززه
حتى الشماته اتفززه من يمشي ويهب الهوه يلتفت حسباله حجوا
لكن لمن يذكرك حتى الشماته الما بجوا من شافوا دموعه بجوا
هيج اني من عني رحت ما تسكت دموعي ولو دورتك اني بشدتي

شفتك وطن حنيت الك لكن لكيتك غربتي احتاريت منهن ياهو اصح
ما بين ذلي وعزتي اختاريت اعوفك حتى لا تكسر قرارك دمعتي وو نيت
سكته ما ردت يشمتون بونتي
بس ركز بصوتي بعد تسمع نحيب بضحطتي
هم مثلي كلبك ما نسه وهم بعد من تمشي درب تذكرني خطواتك بعد
تترك فراغ الخطوتي لا تسكت الا بينت بين اثرها بعبرتي
ولا تلتفتلي بس ردت انطيك اخر ما بقه وهو اشبقه
مني خذت كلشي وبقت دمعات ليك بذمتي
للشاعر الكبير
ايهاب المالكي
تحياتي
مدينة الحب

» كلمه .........وقلم
» كل حرف في كلمه رمضان معنى