.... أبوذيات & دارميات ....

بسم الله الرحمن الرحيم

بما انها اول مشاركة لي في هذا المنتدى
احببت ان اقوم بتنزيل بعض الكلمات الجميلة اهداء الى المنتدى

عنب خدك طلبنه سله منه
وعلى الغالي اليمك سلمنه
الكلب تدري بغيابك سال منه
دمع من دم لانك غالي عليه

جبل والريح شامخ ماهوينه
وبعد شخصك يغالي ماهوينه
الجفن والعين تسال ماهو وينه
فركاك شكد صعب واثر عليه

وحق الله وسماه عليك وارضه
بغيرك ما اظن اختلط وارضه
عشرتي وياك عشرة خشب وارضه
تلفت حشاي من سكنت بيه

يصاحب من يجيسك ضيم وصلي
واصيرن نار للعاداك واصلي
عهد وياك ما ينكطع وصلي
وعنك بس تباعدني المنيه

ضروف الدهر صارت برشلونة
وتجبرني من اشجع برشلونة
ويضل تاج الملاعب برشلونة
ويضل ميسي احبه وهاي هية

لتريد الجزر يا خوي مد ريد
وما ندري لعبنه قدم مدري ايد
لعبتي وياي لعب ريال مدريد
وحته الكولجي كول عليه

تدري شوكت انساك كلش فرد نوب
من تسمع الشيطان تاب من الذنوب

حبيتك محبة يوسف اليعقوب وعلى حبك ياغالي شكثر لاموني واذا يعقوب اعمه وبالقميص يطيب اني من اسمع باسمك تطيب عيوني

صرت
محتار شبعثلك؟ابعثلك سلام وشوك؟وانت الشوك يركعلك؟لو ابعث مساء الخير وانت
الخير في كلبك؟لو اكلك يا طيب الذات وانت الطيب من اصلك؟

من اسولف تسمع انت شلون جنت وين انته كاعد والحجي سمعته حيرني الامر بس طلع بيه الصوج اسولف للكلب والكلب ثاري انته

خايف
اوصفك ورد وادري الورد خداع*** نشوفه منظر حلو ويذبل بدينه بساع*** صدكني
اشوفك عسل بس نكهتك نعناع*** سبحان رب الكون السواك من هلكاع

تكلي احبك واجاوبك بله بله ومن وره حبك صارتلي بلبله ولك محمد السالم من غنه بله بله عبالك يدري شمسوي انت بيه

صرت دفتر الك وسنين عمري اوراق
بيديك القلم وبكيفك امليني
احبك اطمأن لا تعتقد انساك
واذا حبيت غيرك شكك سنيني

عندي عتاب اوياك وعتابي قاسي تحرمني منك ليش ونتة اغلة ناسي

لا مسج لا مسكول لا عني تسأل!
لو هيج اسوي وياك معقوله تقبل؟

هام العقل من شوكك وجن بيك
وشبيه الكمر من يضون وجن بيك
وابوسك لو يحبسوني وجن بيك
اوامر من وزير الداخلية

ضعفت ما واحد بربعي ... گواني
وشلت حملي على جتافي ... گواني
اموتن جوع وابقى البس ... گواني
ولا فد يوم امدلهم اديه

يدنه ارجوج مره صاحبينه&
وعظم بالجسم ماظل صاحي بينه&
عرفنه شكثر وشكد صاحبينه&
ماكو مثلك وفي وصاحب اليه&

بعت عمري وشريتك ونته داري
وسكن كلبي ابغرامك ونته داري
ذبت شمعه ابمحبتك ونته داري
ولك شيصير لو تسال عليه

تدهور حالي من بعدك والأوضاع
أدور بالبخت حظي لو ضاع
تعال ودور الهاتف والأوضاع
يضل أسمك وضع لايك عليه..

حلو اسمك وابوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك اعطف عليه

حلو اسمك وابوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك اعطف عليه

تدري شوكت انساك و تفكر بهايه ؟! *** من تسمع بـــ هيفا لبست عباية !!!

نص احترك من هجرك ونص طاف
وغيرك مانصب بحر حبي ونص طاف
ريت المدرسة ترجع ونص طاف
وابدلك بالعلم واخذ تحية

ليش اللي يسيطر دوم يوله
جاوبني بصراحه نعم يو له
احبك مثل مسي وساف يوله
وانسته وما رادونه وكل بليه

سكركاس العسل من ظاك نفسك
واكو غيرك حلوبس ماكو نفسك
اريدك ياحبيبي اتبوس نفسك
بس ابداخلك تنويهة الية

علي دوم ألليالي تلف ... وتدور
ولجلك رخصيت ألذهب ... وألدر
أحبك من زمان ألدار ... وألدور
شعجب لمن كبرنة تخون بية

علي ضحكت شماتي ... والاغراب
وبجه حتى النسر لاجلي ... والاغراب
عجيبه انت شكثر قاسي ... والاغرب
ما اكدر اكرهك مو بديه

مع تحياتي محمد العاني .......

» أبوذيات عراقية
» دارميات عراقيه