انسه الراح =كاظم ال جابر السماوي

[center]انسه الراح كله وخل يولي الراح
مايبري الجرح للماكدر ينسه
ولاتكدر تجيب الدنيا بعد اسباع
اذا بين شهرها وبينه تتنسه
تاكلنه الليالي ويعظ بينه السيف
ويالحم العراقي الطيب بضرسه
اسمع مني واحچيلك مباشر هاي
ولا بالحسچه اسولف لو حجي اندسه
لاترشك الماي البارد من اشباط
بخدود التعب وعيون النعسه
اذا فز وتذكر ينكلب سجين
ويذبحك وتضحك الكم الخرسه
خليكم اخيوه وانسوا كل الراح
وكل واحد لخيه ايحظنه ويبوسه
وخل چفك بچفه ودكو اول ساف
وابنو البيت هذا وابدو من هسه
وخلو الدنيا تضحك والبجه من الراح
يضحك علخسيس الكصته امعبسه

[/center]

» كفر تاريخنه ==الشاعر كاظم ال جابر السماوي
» اوبريت دخان الدم =كاظم ال جابر السماوي
» اغنية كاظم الساهر (كل عام وانتي حبيبتي)