همسه بغداديه
ﺻﺂﺣﺑة آﻟﻣ̝̚ﻧﭠﮃـﮯ
الجنس :  الابراج الغربيه :  الأبراج الصينية :  عًمٍرْىً..~ : 29
تَقيميَ..~ : 5
مُشَآرڪٍآتى ..~ : 1590
نُققِآطَي...~ : 53248 ﮃۆﻟــﭠـــﮯ * : العراق
ŜṀŜ..~ * : Do not expect one else love him if I have to love the two in my life You'll love you and you :-*
 | موضوع: كفر تاريخنه ==الشاعر كاظم ال جابر السماوي  الأحد أغسطس 07, 2011 7:12 pm | |
| [center] كفر تاريخنه بيوم العرفنه ومات
والطين الشربنه اسنين يعرفنه
ركظ دخان دمنه وبي شربنه الخوف
وشربنه المالح الحد ماتمولحنه
سفينته خذتنه مخالف أو يالريح
وردتنه وسموم الغيظ تلفحنه
كل روجه اعله سيف ومشق صار الماي
كل صرخه ابطبگ والدم يسبحنه
عجيبه احنه عجيبه وكلشي بي نحتار
ويحتار اليمرنه واحنه موش احنه
نصيح شما نصيح وكل عربهه اموات
كلمن ملتهي وماتسمع اشصحنه
اذا ربك جزاهه وعدت بكل خير
نفزع من جديد انسوي الف محنه
فتلنه ارگابنه بدفلة شواطي الخوف
وبعثگ اليخن گمنه وتلولحنه
نشد وين الرچيچ الماله كل سباح
وبنفشة گصب تفتر مراجحنه
كسرنه اسيوفنه وهوسنه للشيطان
وصف انحور جدام اليذبحنه
برمنه المستحه بصفصاف المغربين
عضبه اچفوفنه وشخنه وتواكحنه
سجة موت چانت والتراب اعيون
كل خزره ابمذله وچفه يچسحنه
لبسنه جلود حوت ويضحك السفان
وجلود الحيايه اسنين تفرحنه
عرف معدنه حيدر والحروب اشهود
بالحر والبرد لبدت جحاجحنه
يمد اعيونه كبله مضهضب اعله الخيل
واحنه اباول المركاظ صيحنه
خدلناه وخدلنه المندبح عطشان
ورضخنه ال ال اميه وبيدهم طحنه
اجينه من المدينه الكربله او يحسين
ورماح النهزهه ابذل تمازحنه
گبل ماصاح ابو السجاد اجتنه الخيل
عگرنه اخيولنه وعطشت نواضحنه
بگت سولتنه ننفخ بالشمس كل يوم
ونّطفي اليوج لاخاف يفضحنه
نموت احنه ونريح الناس
حته الماي يصفه ويصفه غزل ابليس
وحته السيف يرتاح ويريّحنه
_________________
الشاعر كاظم آل جابر السماوي [/center] | |
|
